A note to self.

Mamawhna che ka neih hmain ka tan i awm a;
Mamawhna che ka neih laiin ka tan i awm bawk a, 
I tel lova awm ka ngam loh veleh min kalsan leh si. 
I tel lovin ka lo nui a, ka lo tap tawh. 
Hmangaihte sunin, hmangaihten min lo phatsan tawh; 
Dam reng chung hian ka thahrui zawng zawng hian min lo kiamsan tawh a, 
Thi si lo hian nunna reng reng nei lovin ka lo nung tawh; 
Hahdamna zawng reng rengin phurrit ka in siam a, 
Hlimna ka hmuh veleh, tahin a zui bawk thin. 
Chuti chung chuan, tun thleng hian hlau miah lovin, ka nat tawh zat dawn lovin, huaisen takin ka la pen tang tang thin.