Through the ages.

Kum engzat nge a nih ka hre thei tawh lo-

Ni khat lek pawh i hmangaih tel lova i nun khawhar zia kha ngaihtuah la,  a nih loh  pawhin hmangaihtu che nei lova i inhriat vanga i nun a ruakzia kha han ngaihtuah la..  Ni za tam tak,  thla tam tak,  kum tam tak, hmangaihtu dik ngaihtuah lova,  Pathian hmangaihna ka uiresan khan ka nun a hrehawm em em a ni tih min hriatpui thei ang. Sual ata tal chhuah tumna chang pawh hre lovin sual chuan chu khur thuk chu ka awmna hmun tur emaw min tih tir a.. Tal chhuaha, tanpuina ban pawh vuan ngam lovin min awm tir a ni.  Nimahsela,  vawiin hian chu kawl rit ata chu chhuah ka ni tih ka in hria e.. 

A malsawmna ka dawn zara ka lo chapopui ve,  ka nihna emaw ka tih te'ngte kha Ani min theihngilh tirtu a nih avangin ka tan chuan a hnawk em em a ni. Ka lo thanlenpui sual tam tak min hriatchhuah tir a; A hnena tawngtaia, ngaihdam dil tul ni a ka hriat loh tam tak hi min hmuhtir a, ka tenawmzia ka hriat rualin A hmangaihna daltu atan an tlin lohzia min la hrilh cheu a ni. 

Lalpa, ka va han lawm em. 

Chhungkaw neinung tak atangin chhuak lo mah ila,

 Nangmah hretu chhungkua min pe a. 

Thiantha chu ngah lo mah ila, 

thian nih hlutna min hriattir thintu min pe a. 

Bel chhia leh ruak ngawt ka nih lai pawhin 

I hmangaihna in min kalsan lova, 

Zawn che tulna ka hriat loh laiin, 

Nangmah zawkin min rawn tâwk leh a. 

Lawmthu sawi nachang ka hriat loh khawp a 

tlaia min siamna thin thil tam tak avangin ka lawm bawk a ni. 

Vantirhkoh min vengtu min pe, 

i mit naute ang maiin dimdawi takin min enkawl bawk a. 

Lawmna tur ka va han ngah em, 

 hnaih zel thei tur che in min pui ang che. 

Lalpa, ka lawm e. 

Neih ve loh ngai a ka tah a tam awm mang nge!

Nang chuan, i saisen tet a ta nupui fanau i neih thlengin chun leh zua-te thlazar hnuaiah hlim ni leh lungngaih ni i chhiar thin. Kal i la thiam hma hauhvin an kai che a,  "Kal chhet chhet" tiin an zirtir che a, an lak atanga i kal bo chang pawhin an um zui thin che. I hlim leh i nui ri te an ngaihthlakin an lung a awi a, i tap leh i rum ri an hriatin an na thin.  I mamawh an hriat sak che a, i itzawng leh i duhzawngte lam an hriat sak che, i ei chak zawng leh i rawng ngainat zawng te, i thian kawm thin te leh i thin ti na tute pawh. 

Kei hi min han en ta che chun chawi lohin, zuapa i tel lovin, seilianin hei hma lam ka ban. Tu ban in nge min chelh a, kal min zirtir a, min umzui thin ka hre lo,  ka hlim a ka kianga nui a, Lungngaih min hriatpuitu an awm ka hre lo. Ka tawn ve loh ngai hian ka tap thin a,  ka la tem ve loh tem ve chakin ka lo rum thin,  "chunnu leh zuapa" tia koh eih tur nei ve lo hian,  "zing khat tal chu ka kiangah han awm ve thei ula" tiin duhthu ka han sam ve thin nang in; "I tawn ve loh tuarin ka tap a, ka tawn ve loh ngai hian a ni ka lo rum ni." tiin ka in chhang leh mai