Ka nun a ka thil tawh apiang hi, a tawpah chuan PAthian min hriatchhuahtirtu a ni leh thin.Nun hi ka lo thiam lo hle a lo ni a, ka kal sual zel mai thin.
Mahse hmangaih tawp lova min hmangaihtu hian ka nun hi min lo kaihhruaisak thin a. Min han en a, ka bo pil phal lovin, tlukna atang chuan thawhlehna nunin min kaichhuak leh thin.
Heti em em a min hmangaihtu hi haider reng tum chung hian engtin nge maw ka lo hmuingil theih reng ang le? Tawp lova min hmangaihtu hi chhang let lo thei ka ni lo.
A thisen a min tlantu hian,
ka leiba min tlaksaktu hian,
man dang phut lovin,
ka rinna hi min pawmsaka,
ka rinna a hnena ka kawltir hi
a hun takah min sengtir dawn a ni.
Hun tam tak kha nun bawlhhlawh leh Pathian huatzawng tih hmang ka ni.
That tum lo leh hmuhsit ching, pawisak nei lova tal reng thin ka ni.
MAhse, kei hi boralna ata Chhandamna hmutuah min siam ve a ni.
LAlpa, ka mamawh lai che chauhin i hnen ka rawn pan thin a, zakin ka kun leh thin.
MAhse nang bel lo ila, hmelma pa lawmna ti tam tu tur mai ani.
Nang mamawhtu che ka nih hi min hriat nawn tir thin a,pawm mai tur ka lo ni. Mihring hriatna hi a tlem si a, hasatna atang lo chuan i hmel ka hmu thin si lo.
Lawmna min pek hi nang hlat nan che ka hmang thin a,i malsawmna chu nang nghilh nan che ka hmang zawk a, Hmangaihna phu lo ka va ni teh lul em!
Mahse Lalpa, mi a te hnar ngai lo,thil sual ti thin leh i mittlung lo hian,Lalpa ka lo pan leh ngawt mai che a ni. Nun dan min zirtir la, ka nun min kaihhruaisak ang che.
