Setana hian khawvel min hmangaihtir a tum a ni.

Setana hian khawvel min hmangaihtir a tum a ni. 

Khawvel hian min hliam a, min tina a ni tih hre reng chungin kalsan hleithei lovin min siam a. 

Na tuar reng rengin, khawvelah nawmna min zawntir a tum a,

 Tha te te a Pathian hre miah lo pawh a min tleitir a duh tawk lo, hrehawm nasa tak tuar chunga,  Pathian lak atanga min lakchhuah a, zalen tawhte hi tihretheih min tum a ni. 

Nimahsela, setana leh a hmanraw chi tinreng hian Pa hmangaihna lak atangin min lachhuak thei chuang lo. Chumi ti tur chuan chakna a nei lo a ni. 

Chu chu hre rengin Setana hnathawh chu i do tlat ang u. Setana hi hneh tawh sa ni mahse, Pathian nena inzawmna thuk i nei si lo a nih chuan, Setana chuan awlsam takin a hneh mai dawn che a ni , a chhan chu Pathian phena awmtur chuan a bul hnaia i awm kha a ngai a ni, i buante kha tisa an ni si lo. 
Pathian nen a inzawmna thuk zawk neihtir tur che in Thlarau Thianghlim i mamawh a, sawm thin la, be tlangnel thin ang che.
 "Thlarau Thianghlim" 
tiin ko la, be mawlh mawlh rawh, i thian tha ber, zaidam leh ngilnei taka ngaithla tur che a kan hnena "Awma" chu a ni.  Tichuan, Zirtirtu ngilnei ber chuan a hruai thin ang che. 

Aw! ka thuziak chhiartu , 

Lalpan malsawm che se la,

Thlarau diktak chuan kaihruai che rawh se, 

Chhandam hlimna pe che se la,

A hmangaihna, A khawngaihna, A duhsakna,  A hruaina,  A thiltihtheina a thuam i nihkha theihnghilh suh aw. 

Lalpan malsawm rawh se, Amen.