PATHIAN HNEN ATANGIN ENG NGE KAN BEISEI ANG?

 

Pathian kan rina hian Engkim a ti thei tih kan hria a kan ring bawk a; Kan tana tha tur, tuarna kan pumpelhna tur, kan hlimna tur, kan thatna tur, kan damna turin thil a ti thei tih pawh kan hria. Mahse a ti duh a ni tih hi kan ring ngam lo thin. “Ama thu thu a lawm”, tiin engpawh thleng se inpeih turin rilru kan inbuatsaih thin. Ni e, a thu thu a ni tak meuh mai, chuvang tak chuan a ni kum tam tak kal taah khan Isuan kraws-ah min tuarsak ni, vawiina i damna turin, naktuka i damna turin. Hetiang ni lova hrilhtu che chu rinna ni lovin, rinhlelhna zawk a ni.

Mahse maw, Kristian nih hi hri laka him na damdawi ni se, miin dam a duh vangin Pathian a zui ang; hausakna leh hmuingil ngei ngei na a ni ti se, miin hausak a duh avangin Pathian a zui ang. Thilpek petu aiin a thilpek an thlang zawk ngei ang. Harsatna tawk miah lo ila, kan Rinna hian ṭhang lian tur a nawrtu a nei dawn lo a ni. Lal DAVIDa pawh hriak thih a nih hnu khan harsatna tam tak a paltlang kha.

LalSaul-an thah tum a a veh lai khan, thurawn petuten hlauh tur an hrilh laiin a chhanchhuak theitu Pathian lam a en tlat kha. Khawvelin hlauh tur a hrilh lai che in, a aia lian zawk Pathian en tlat rawh. A ni chuan kan vela thil thlengte hi kan thatna turin a her rem zel thin.

Keipawh hi COVID-19 ka vei ve ang tih ngaihna ka hre lo; ka chhungkhat laina ten ZMCa ka awm tur min thlah dan kha, Davidan beih a tawh laia a thurawn dawn nen khan ka tehkhin a, mahse JEHOVAH- RAPHA tidamtu Pathian ka en zawk a. COVID-19 khan chakna a chan tak loh kha. 

Tunah chuan mithiamte’n anmahni siam ngei Vaccine latute ai chuan, a vei tawhte’n COVID hrik thar an do theihna a chak zawk tih an hmuchhuak tawh. Tichuan, tunah chuan natna do theihna( immunity) chak tak ka lo neih phah ta a ni.

Pathian hian min tidam tawh a, thlarauva kan chan tawh hi, tisa a a lanchhuah hun nghah chhunga nghet taka rinna nen a lo dingte hian hnehna ni chu an hmu thin. Harsatna kan tawh pawh kan tana tha turin a her rem lehzel thin. Pathian lak atang hian eng nge i lo beisei thin? I thatna tur a duh takzet tih i inhrilh thin em? I hlim a, i dam a, i hmuingil a duh tih i inhrilh thin em? Pathian tha, i hlimna leh i damna duhtu Pathian i nei tih inhria la, Amah atangin thiltha beisei la, Tihdamna thlarauva i chan tawh chu tisa a a lanchhuah theihna turin rinna in lo puang zel la, a tithlawn lovang che.