In kalsan lo zawk mai ang aw!

Tunah hian ka pi ka bulah a muhil a,  lemchan hmuhnawm deuh pakhat hi ka en a, ka ngaihtuahna a ti thui hle...
Ka pi ka han en a,  min kalsan dawn a ni tih ka hria,  hun engzat pawh lo la nei se a tam tawk dawn lo.. Tiang bawk chuan ka hmangaih em em te chan atan ka han ngaihtuah a,  tu pawh hian tu pawh hi kan la in kalsan dawn chu a ni si a...  A va han khawharthlak dawn tak em!

Ka hmangaih ka chhungte, ka thiante leh mi pakhat hmangaihna danglam bik a min hmangaihtu hi ka han ngaihtuah a, kalsan ta ila an nunah ka lo zar buai nasat thin em em te an nih avangin a ruak ve huai tur hian ka hriaa,  ka Khawngaih ve lehchhawng khawp mai...  A chhan chu tu emaw ber hian min kalsan se ka tuar tur zia leh ka lunglen tur sia hi ka ngaihtuah thui ngam lo a ni.

Ka ngaih em em lh ka hmangaih riauva  ka tih khi 😂 a muhil hma lutuk a zanin chu,  dar 8ah pawh khan kan in kaitho kan in kaitho tawh a,  hei dar 12 a lo ri dawn der a,  ka ngai lehpek tawh hle mai...
Ka sawi tawh ang khan,  ka movie en a nupa in kalsante kha an in hmangaihna ka. Hmuh khan ka tem ve mek nen hian in anna tam tak an nei tlatin ka hria a ni..

Kan in duat ve em em a, kan in ngai hle bawk a, hmangaihnain a ti tur nia kan hriat chu kan in tihsak mawlh mawlh a ni,  keini ni ve lo tan chuan a atthlakin a hneawm phian maithei, mahse " Ka hmangaihna ka lantir thiam dan a ni ve miau si a,  min lo hrethiam hram teh u," kan han ti a ni..

Ka zuam thlawt lo a ni,  ka hmangaih, ka duat em em han kalsana, tuktin ka aw hre lova a hun a hmang tur te, ka kuah leh ka duat thlahlel em em an, mi in an dawng bik lai a hmu turte, a hlim loang tih ka hlauh em em a kha, a tap ru keuh keuh turte, ka thawmhnaw hak thin a hmuh changa ka taksa an mitthla tur te,  rawng ka bawl sak apiang a tui emaw, tui lo emaw min han fak sak a,  tui tih hmel taka ei thin tu khan,  ka pek ang thin enkawlna a hmuh tawh loh hunah chuan, a in ngaihtuah ang a, a in Khawngaih tur ka hriatin tiang tur chuan ka phal lo a ni....  In ngai leh in ngai kan han in kalsan tur hi ka ngaihtuah ngam lo a ni..
Ka thian tha ber a ni a,  a tel lo chuan ka tlei lova,  mIdang Buaipui hmanin ka siam lo ve bawk nen, a nun ka ti ruak dawn em a ni...

Tihian khing ka sawi te khi ka chan tur zawk lo ni ta se, anin min han kalsan ta se a tuar thiam lo ber pawl ka nih ka ring a ni... Min kalsan lo zawk mai ta che t raw Thianpa?  Ka hmangaih che...